白蝕科普FAQ

細胞也會「過勞」? 淺談黑色素細胞的罷工原理

有病人問：「我身體好地地，點解黑色素會突然罷工？」

想像一下，我哋皮膚入面有一班「油漆工」，佢哋負責製造黑色素。但當你壓力爆煲、睡眠不足，或者遺傳基因入面有啲不穩定因素時，你體內嘅「治安警察」（免疫細胞）就會突然認錯人，以為呢班「油漆工」係敵人，於是發動攻擊。
 
呢種情況就係「自體免疫反應」。結果係點？油漆工被打跑咗或者受傷休息，嗰塊皮膚就無咗顏色。所以，白蝕其實係一種「身體發出嘅警號」，話畀你聽：喂，你要休息喇！