白蝕科普FAQ

馬拉松式復色: 點解治療白蝕需要咁有耐性 ?

「點解我照左 2 次 NB-UVB 燈、搽咗一星期藥都未見效？」 呢個係治療白蝕最常被問到嘅問題。

黑素細胞由毛囊深處遷移到皮膚表面，就好似種植一棵植物咁。你需要先「除草」（抑制發炎），再「施肥」（藥物），然後等佢慢慢「發芽」（出現黑色素島）。

通常面部復色最快（3-6個月），而手腳就較慢。治療白蝕唔係 100 米衝刺，而係馬拉松。唔好因為短時間睇唔到變化就放棄，每次治療都是有用的, 都在累積成果; 好多時候，成功就在於你堅持多咗嗰兩三個月。

照NB-UVB燈 係需要「持之以恆」嘅馬拉松，每星期1 - 2次，每次可能只係幾十秒至兩分鐘; 但數個月後，你會見到點點「黑芝麻」出現，嗰啲就係希望！